PROBA CORPO EN FORMA: "O canguro"
Para rematar a semana facendo un pouco de deporte
propoñémosche 4 sinxelos exercicios con coxíns ou calquera outro elemento que
sirva como obstáculo na casa cos que poderemos imitar aos canguros. Collemos o
coxín, poñémonos de pé e imos aló:
Exercicio 1: Colocamos un coxín no chan, poñémonos diante
del, saltámolo coa dereita e apoiámonos do outro lado na esquerda. Facemos o
mesmo saltando coa esquerda e apoiando coa dereita. Repetir 4 veces con cada
perna.
Exercicio 2: Colocamos un coxín no chan, poñémonos diante
del e, á pata coxa, saltámolo. Facémolo 2 veces con cada perna.
Exercicio 3: Colocámonos diante do coxín e saltamos cos dous
pés xuntos. Repetimos 4 veces.
Exercicio 4: Colocamos dous coxíns con espazo entre eles.
Saltamos coas dúas pernas xuntas os dous coxíns consecutivamente, coma se
foramos canguros. Repetir 3 veces.
Se dispós de máis espazo tamén podes empregar máis
obstáculos. E xa sabes, se consegues ser un canguro máis non esquezas enviarnos
o vídeo!
PROBA MENTE EN FORMA: "EFECTO DOMINÓ"
O reto deste venres será o de facer un efecto dominó, no que teredes que colocar pezas, cartas ou calquera cousa que se vos ocorra, unhas despois das outras para conseguir tiralas todas movendo soamente a primeira.
Aquí vos deixamos un exemplo realizado por un dos monitores. Non vale copiar!
Agardamos os vosos vídeos!
