Día Mundial da Diversidade Cultural

Desde o ano 2003 celébrase cada 21 de maio o Día Mundial da Diversidade Cultural para o Diálogo e o Desenvolvemento. E cal é a finalidade deste día? Pois algo tan sinxelo como apoiar a diversidade, o diálogo, a inclusión e a cooperación entre as distintas culturas existentes no planeta.

"A diversidade cultural é un patrimonio común. (...) Respectar aos demais e ás súas culturas, respectar as liberdades e os dereitos humanos" foi a declaración da UNESCO no ano 2001 na que se baseou a Asamblea Xeral das Nacións Unidas para declararen o 21 de maio como Día Mundial da Diversidade Cultural para o Diálogo e o Desenvolvemento. Por iso hoxe vos deixamos este vídeo co motivo desta celebración.